కూరగాయల ధరలు మండిపోతున్నాయి. ఈ వ్యాపారం చేయడం కష్టమే, ' అంటూ కూలబడిపోయాడు కూరగాయలు అమ్మే సూరయ్య.
'నువ్వు అలా అంటే ఎలా? అలవాటు పడ్డ వ్యాపారం తెలివిగా మసలుకొని అమ్మకాలు కొనసాగించడమే మంచిది. కొత్త వ్యాపారమైతే అలవాటు పడ్డవరకు దినదిన గండమే,' అంటూ భర్తను ఉత్సాహపరచసాగింది భార్య రత్నాలు.
'నువ్వు అలా అంటున్నావు గాని గంట నుండి కిలో నలభై, కిలో నలభై అంటున్నా కొనేవారి సంఖ్య అంతంత మాత్రంగానే ఉంది, ఉసూరుమంటూ చెప్పాడు.
'కొద్ది సేపు నువ్వు విశ్రాంతి తీసుకో, నేను అమ్మిపెడతా ఈ కూరగాయాలు,' అంటూ భరోసా ఇచ్చింది రత్నాలు.
సూరయ్య నిద్రకు ఉపక్రమించాడు. గంటపోయాక లేచి చూశాడు. కూరగా యలన్నీ అమ్ముడైపోయాయి, 'నష్టానికి అమ్మేశావా?' అనుమానంగా అడిగాడు. 'లేదు. నువ్వు చెప్పే రేటుకే అమ్మాను. నా తెలివికి పదును బెట్టి పావుకేజీ పది
పావుకేజీ పది అని అరిచాను. నలభై రూపాయల దగ్గర పదిరూపాయలు తక్కువగా అనిపించడంతో బరువు విషయం మరిచి కావల్సినవి కొన్నారు, అసలు విషయం చెప్పింది రత్నాలు.
భార్య తెలివికి మెచ్చుకుని ఆ రోజునుండి భార్య చెప్పిన మెలకువతో వ్యాపారం చేస్తూ నిశ్చింతగా ఉన్నాడు సూరయ్య.
No comments:
Post a Comment